ئەو کەسانەی ناویان بۆ حەج دەرچووە سێ جۆرە ڤاکسینیان لێ دەدرێت

ئاڤا نیوز

 

لە بنکەی تەندروستیی پارێزگا و ئیدارە سەربەخۆکان سێ جۆر ڤاکسین لەو هاونیشتمانیانە دەدرێت کە ناویان دەرچووە بۆ حەجی ئەمساڵ، ئەمەش وەک هەنگاوی پارێزگاری لە چەند نەخۆشییەک.

 

وێنە گەورەکە: فەریزەی حەج، یەکێکە لە ئەرکانەکانی ئیسلام، ساڵانە بەهۆی بەشداری ملیۆن موسوڵمان مەترسی بڵاوبوونەوەی نەخۆشی دەکرێت، بۆیە لە هەرێمی کوردستان چەند جۆرە ڤاکسینێک لەو کەسانە دەدرێت کە بۆ بەجێهێنانی فەریزەی حەج ناویان دەرچووە.

 

لێدوانی فەرمی: کاروان ستوونی، بەڕێوەبەری ڕاگەیاندنی بەڕێوەبەرایەتیی حەج و عومرە بە ئاڤا میدیای وت، هەماهەنگیمان لەگەڵ وەزارەتی تەندروستی هەیە، پێنج هەزار و 190 کەس ناویان بۆ حەج گەڕاوەتەوە، مەرجە هەموویان ئەو ڤاکسینانە بەکاربێنن، ئەمەش لە پێناو پاراستنی تەندروستیی خۆیانە.

 

زانیاریی زیاتر: ئەو ڤاکسینانەی بەو هاونیشتمانیانە دەدرێت، بریتین لە (ڤاکسینی گوزاز تایبەت بە بریندار بوون، ڤاکسینی ئەنفلەوەنزا، ڤاکسینی تایبەت بە هەوکردنی مێشک).