لێدوانی بافڵ تاڵەبانی لەبارەی کۆبوونەوەی لەگەڵ مەسرور بارزانی

ئاڤا نیوز

بافڵ تاڵەبانی، سەرۆکی یەکێتی لەبارەی ئەنجامی کۆبوونەوەی لەگەڵ مەسرور بارزانی لەبارەی پێکهێنانی حکومەت دەڵێت: تەواو ئێمە ڕێککەوتین.

چیرۆکی سەرەکی: مەسرور بارزانی، سەرۆکوەزیرانی کوردستان و بافڵ تاڵەبانی، سەرۆکی یەکێتی، نیوەڕۆی ئەمڕۆ دووشەممە 28-4-2025، لە هاوینەهەواری دووکان دوای خواردنی نانی نیوەڕۆ بۆ ماوەی کاتژمێرێک دووقۆڵی لەبارەی پێکهێنانی کابینەی نوێی حکومەت کۆبوونەوە. دواتر شاندی دانوستانکاری هەردوولاش کۆبوونەوە و گفتوگۆیان لەبارەی دابەشکردنی پۆستەکان کرد.

زانیاریی تایبەت: دوای تەواوبوونی کۆبوونەوە دووقۆڵییەکە، کاتێک مەسرور بارزانی و بافڵ تاڵەبانی هاتوونەتە دەرەوە، بافڵ تاڵەبانی بە هەردوو شاندی دانوستانکاری پارتی  و یەکێتی گوتووە، تەواو ئێمە ڕێککەوتین.

لەلایەکی دیکەوە: ئاڤا زانیویەتی لە کۆبوونەوەکانی ئەمڕۆدا وێڕای دابەشکردنی پۆستەکان، باسی پڕۆژەی هەژماری من و پڕۆژەی ڕووناکی بۆ کارەبای 24 کاتژمێری کراوە.

هەنگاوی داهاتوو: بڕیارە لە ڕۆژانی داهاتوودا شاندی دانوستانکاری پارتی و یەکێتی کۆبوونەوەی دیکەش بکەن لەبارەی دابەشکردنی پۆستەکان.