ئەنجوومەنی وەزیران سەبارەت بە نەوت و خانەنشینان کۆدەبێتەوە

ئاڤا نیوز

ئەنجوومەنی وەزیرانی هەرێمی کوردستان سبەی چوارشەممە بەسەرپەرشتی مەسرور بارزانی كۆدەبێتەوە و گفتوگۆ لەسەر دوو تەوەری گرنگ دەکات، هەناردەکردنەوەی نەوتی کوردستان و ڕێکخستنەوەی کاروباری خانەنشینان.

تەوەری یەیەکەم: لە کۆبوونەوەکەدا دوایین پێشهاتەكانی پەیوەندیدار بە گفتوگۆ و دانوستانەكانی تایبەت بە دەستپێكردنەوەی هەناردەكردنی نەوتی هەرێمی كوردستان دەخرێنەڕوو.

٠ باسی دەرەنجامى دوو کۆبوونەوەی پەیوەست بە هەناردەکردنەوەی نەوت دەکرێ، کۆبوونەوەى 19ی ئەم مانگەی  نێوان هەردوو حکومەتى هەرێمی کوردستان و عێراق، لەگەڵ کۆبوونەوەى 20ی مانگی نێوان حکومەتى هەرێمى کوردستان و کۆمپانیا نەوتییەکان.

٠ لە کۆبوونەوەکەدا وەزیرى سامانە سروشتییەکان لەبارەى ئەنجامەکان ڕاپۆرتێک دەخاتەڕوو.

تەوەری دووەم: پەیوەست دەبێت بە چارەسەرکردنی کێشەی خانەنشینان.

٠ ڕەشنووسێک ئامادە کراوە بۆ ڕێكخستنەوەی دامەزراوەی بەڕێوەبردنی خانەنشینی لە هەرێمی كوردستان کە مانگی دووی ئەمساڵ ئەنجوومەنی وەزیران خۆی بڕیاری بۆ دەرکردبوو. ئەمەش لەپێناو چارەسەرکردنی گرفتەکانی خانەنشینان، بەتایبەت بەشێکی خانەنشینان کە دۆسیەکانیان کێشەی تێدایە.

٠ لەمەودوا خانەنشینانی پێشمەرگە و خانەنشینانی سەربازی و هێزەکانی ئاسایشی ناوخۆ و کەسوکاری شەهیدان و ئەنفالکراوان، هەموویان بۆ سەر بەڕێوەبەرایەتیی گشتیی خانەنشینیی وەزارەتی دارایی دەگوازرێنەوە، بۆ ئەوەی یەک شوێن هەبێت سەرپەرشتی کاروباری خانەنشیان بکات.