منداڵان و بەساڵاچووان لە نۆرەگرتنی دەرهێنانی کارتی نیشتمانی دەبەخشرێن

ئاڤا نیوز

وەزارەتى ناوخۆى عێراق لەچوارچێوەی ئاسانکاریکردن بۆ ڕێککارەکانی دەرهێنانی کارتی نیشتمانی، بڕیاریدا لە مەرجى نۆرەگرتنى ئەلیکترۆنیی پێشوەختە بۆ دەرهێنانى کارتى نیشتمانى بۆ منداڵانی تازە لەدایکبوو و ئەوانەی تەمەنیان سەروو 65 ساڵە، ببەخشرێن.

ئەوەی پێویستە بیزانیت: بۆ دەرهێنانی کارتی نیشتمانی لە بەڕێوەبەرایەتییەکانی باری شارستانی لە پارێزگاکان، پێویستە لەسەر هاووڵاتیان بەشێوەی ئەلیکترۆنی نۆرەی بۆ بگیرێت تاوەکو وادەیەکی بۆ دیاری بکرێت بۆ دەرهێنانی کارتە نیشتمانییەکە.

ڕاگەیێنراوی فەرمی: بەگوێرەی ڕاگەیێنراوێکی وەزارەتی ناوخۆی عێراق، منداڵانى تازە لەدایکبوو لەکاتى دەرهێنانى تۆمارى لەدایکبوون و بە ساڵاچووان ئەوانەی تەمەنیان سەروو 65 ساڵە لە مەرجى نۆرەگرتنى ئەلیکترۆنیی پێشوەختە بۆ دەرهێنانى کارتى نیشتمانى دەبەخشرێن. کاتێک سەردانی بەشەکانی زانیاری شارستانی لە سەرجەم شارەکان لەسەرتاسەری وڵات دەکەن.