ئیسرائیل بۆ سووریا: ئەگەر درووزییەکان نەپارێزن وەڵامی توندمان دەبێت

ئاڤا نیوز

ئیسرائیل ئەمڕۆ پێنجشەممە هۆشداریدا لەوەی بە توندی وەڵامدەداتەوە ئەگەر حکومەتی سووریا نەیتوانی درووزییەکان بپارێزێت، ئەمەش دوای دوو ڕۆژ پێکدادانێکی کوشندە لە نێوان درووزییەکان و هێزەکانی سەر بە حکومەتی سووریا لە نزیک دیمەشق دێت.

لێدوانی فەرمی: ئیسرائیل کاتز، وەزیری بەرگری ئیسرائیل ڕایگەیاند، ئەگەر هێرشەکان بۆ سەر درووزییەکان دەستپێبکەنەوە و ڕژێمی سووریا نەتوانێت ڕێگری لێبکات، ئیسرائیل بە هێزێکی زۆرەوە وەڵام دەداتەوە.

لەلایەکی دیکەوە: سوپای ئیسرائیل ڕایگەیاند، دوو برینداری درووزیی سوورییان گواستووەتەوە بۆ ئیسرائیل تاوەکو چارەسەر بکرێن.