خۆلبارین لەبەسڕە دەیان کەس هەناسە تەنگ دەکات

ئاڤا نیوز

بەهۆی خۆڵبارینی چڕەوە، بەدەیان کەس لە پارێزگای بەسرە تووشی هەناسەتەنگی بوون و ڕەوانەی نەخۆشخانەکان کراون.

چیرۆکی سەرەکی: لە دوێنێ پێنجشەممەوە شەپۆلێكی خۆڵبارین زۆربەی پارێزگاکانی عێراقی بە بەغدای پایتەختیشەوە گرتووەتەوە و بەو هۆیەوە چەندین كەس تووشی هەناسەتەنگی بوونە و گەیێنراونەتە نەخۆشخانەكانی فریاكەوتن.

ڕاگەیێنراوی فەرمی: فەرمانگەی تەندروستیی بەسرە لە ڕاگەیێنراوێکدا ڕایگەیاند: بە هۆی ئەو شەپۆلی خۆڵبارینەی ڕووی لە شاری بەسرە کردووە، لە دوێنێ پێنجشەممەوە تاوەكوو ئەمڕۆ هەینی 2025-05-02، زیاتر لە 363 كەس بە هۆی هەناسەتەنگییەوە سەردانی نەخۆشخانەکانی شارەکەیان کردووە.

زانیاریی زیاتر:  تەندروستی بەسرە ئاماژەی بەوە دەکات، کارمەندانی تەندروستیی شارەکە لە ئامادەباشیدان بۆ چارەسەرکردنی ئەو کەسانەی تووشی هەناسەتەنگی دەبن بەتایبەتی ئەوانەی نەخۆشیی ڕەبۆیان هەیە .