هێرشەکانی ڕووسیا بۆسەر ئۆکراینا بەردەوامە

ئاڤا نیوز

هێرشەکانی ڕووسیا بۆ سەر ئۆکراینا بەردەوامن و درەنگانی شەوی ڕابردوو هێرشێکی بەرفراوان و چڕی  کردە سەر خارکێڤ و بەهۆیەوە 47 کەس بریندار بوون.

وێنە گەورەکە: هێرشەکانی ڕووسیا بۆ سەر ناوچە مەدەنییەکانی ئۆکراینا لە ماوەی چەند هەفتەی ڕابردوودا دەیان کەسی کوشتووە، سەرەڕای ئەوەی هەوڵەکانی ئەمریکا بۆ کۆتاییهێنان بە لەشکرکێشی سێ ساڵەی مۆسکۆ بۆ سەر کێیڤ و گەیشتن بە ڕێککەوتنی ئاگربەست بەردەوامن.

زانیاریی بەدەستهاتوو: بەرپرسانی ئۆکراینا ڕایانگەیاند، درەنگانی شەوی هەینی هێرشەکانی فڕۆکەی بێفڕۆکەوانی ڕووسیا بۆ سەر شاری خارکێڤ، 47 کەسی بریندار کرد.

لێدوانی فەرمی: ڤۆلۆدیمیر زێلینسکی، سەرۆکی ئۆکراینا لەبارەی هێرشەکەوە ڕایگەیاند، ئیدانەی هێرشی فڕۆکە بێفڕۆکەوانەکانی ڕووسیا بۆ سەر شارەکانی ئۆکراینا دەکەین. وتیشی، هاوپەیمانان خاون لە پێشکەشکردنی هاوکارییەکان بۆ باشترکردنی تواناکانی بەرگری ئاسمانی ئۆکراینا.

زانیاریی زیاتر: خارکێڤ نزیکە لە سنووری ڕووسیا و بە درێژایی لەشکرکێشیی مۆسکۆ بەردەوام هێرشی کراوەتە سەر.