ئێران: لە پشت هێرشی حووسییەکان نین

ئاڤا نیوز

 

ئێران هەموو ئەو تۆمەتانە ڕەتدەکاتەوە کە  کردەوەی حووسییەکان بۆ ئەوان دەگەڕێننەوە، ئەمەش دوای ئەوەی تۆمەتبار کرا کە لە پشت هێرشەکەی دوێنێی سەر فرۆکەخانەی بن گۆرۆنە.

 

وێنە گەورەکە: دوێنێ حووسییەکانی یەمەن مووشەکیان ئاڕاستەی فڕۆکەخانەی بن گۆریۆنیان کرد و چوار سیستەمی بەرگری تێپەراند و ئامانجەکەی پێکا، لە ئەنجامدا حەوت کەس برینداربوون، سەرۆکوەزیرانی ئیسرائیل لە بەیاننامەیەکدا سوێندی خوارد کە وەڵامی ئەو هێرشە بداتەوە و هاوکارەکەشیان 'ئێران' باجەکەی دەدەن.

 

ڕاگەیێنراوی فەرمی: وەزارەتی دەرەوەی ئێران ڕایگەیاند: پشتیوانی حووسییەکان بۆ فەڵەستین بڕیارێکی سەربەخۆیە و گەڕاندنەوەی بۆ ئێران هەواڵێکی چەواشەکارانەیە، هاوکات لە بەیاننامەکەدا هێرشەکانی ئەمریکای بۆ سەر یەمەن ئیدانە کرد و بە پێشێلکردنی جاڕنامەی نەتەوەیەکگرتووەکان وەسفی کرد.

 

زانیاریی زیاتر: لە وەڵامی هەڕەشەکانی ئیسرائیل بۆ هێرش کردنە سەر ئێران وەزیری بەرگری ڕایگەیاند: ئەگەر شەڕ بەسەرماندا بسەپێندرێت یان هێرش بکرێتە سەرمان، ئەوا زۆر و بێ سنوور وەڵام دەدەینەوە هاوکات گوتی، بنکەکانی ئەمریکا  لە هەر شوێنێک بن ئامانجن بۆ ئێمە ئەگەر تووشی هەر هێرشێک بووین لەلایەن ئەمریکا یان ئیسرائیلەوە.