هەرێـمی کوردستان و عێراق لەسەر وەرگرتنی قوتابییانی یەکتری لە زانکۆکانیان ڕێککەوتن

ئاڤا نیوز

هەردوو وەزارەتی خوێندنی باڵای هەرێـمی کوردستان و عێراق ڕێککەوتن دەربارەی ئاڵوگۆڕی وەرگرتنی قوتابییان لە نێوان زانکۆکانی ناوەندی و هەرێمی کوردستان.

چیرۆکی سەرەکی: ڕۆژی دووشەممە، شاندێکی وەزارەتی خوێندنی باڵا و توێژینەوەی زانستیی عێراق لە هەولێر لەگەڵ ئارام محەممەد، وەزیری خوێندی باڵا و توێژینەوەی زانستیی هەرێمی کوردستان و چەند بەرپرسێکی دیکەی وەزارەتەکە کۆبوونەوە و ڕێککەوتن لەسەر  ئاڵوگۆڕکردنی وەرگرتنی قوتابییانی هەردوولا.

ڕاگەیێنراوی فەرمی: وەزارەتی خوێندنی باڵا و توێژینەوەی زانستیی عێراق، لە ڕاگەیێنراوێکدا ڕایگەیاند: ڕێککەوتنەکە بریتییە لە تەرخانکردنی کورسی خوێندن لە هەردوولاوە لە چوارچێوەی پرۆگرامەکانی دیراساتی سەرەتایی و خوێندنی باڵا،  لە بواری پزیشکی، ئەندازیاری، زانستە مرۆییەکان، و پسپۆڕییە تەکنیکییەکان، بەپێی ئەو ڕێسایانەی کە لەلایەن هەردوو لایەنەوە پەسەندکراون،  ڕێکاری فەرمی داواکاری و پێشبڕکێکردن لە ساڵی خوێندنی 2025/2026ـەوە دەستپێدەکات.