ناوی 8 هەزار خانەنشین دیکە بۆ وەرگرتنی زەوی ڕەوانەی ئەنجوومەنی وەزیران دەکرێت

ئاڤا نیوز

وردبینی لە بەشێکی دیکەی فۆڕمی خانەنشینان تەواو بووە، ڕەوانەی ئەنجوومەنی وەزیران دەکرێت بۆ ئەوەی پەسەند بکرێت و دواتر زەوییان بۆ دابین بکرێت.

وێنە گەورەکە: زیاتر لە 50 هەزار کەس لە خانەنشینان لە وەرگرتنی زەوی سوودمەند دەبن، دوای گەڕانەوەی ناوەکانیان بەگوێرەی کارتی زانیارییان زەوییان پێدەدرێت، بەشێکی فۆڕمەکان پەسەندکراون و گەڕێنراونەتەوە وەزارەتی شارەوانی.

لێدوانی فەرمی: سەربەست مەولوود، سەرپەرشتیاری تیمی وردبینی و ڕێکخستنی فۆڕمی دابەشکردنی زەوی له‌ وه‌زاره‌تی شاره‌وانی و گەشتوگوزار بە ئاڤای گوت، "ئەمڕۆ یان سبەی فۆڕمی زیاتر لە 13 هەزار و 400 کەس کە هەشت هەزاریان خانەنشینن ڕەوانەی ئەنجوومەنی وەزیران دەکرێت، بۆ ئەوەی پەسەند بکرێت و دواتر بگەڕێنرێتەوە شارەوانییەکان."

ئەمەش بزانە: پێشووتر وردبینی لە 18 هەزار خانەنشین کراوە و ڕەوانەی ئەنجوومەنی وەزیران کراون، بەو هەشت هەزارەش ژمارەی ئەو خانەنشینانەی کە لە وەرگرتنی زەوی سوودمەند دەبن بۆ 26 هەزار کەس بەرز دەبێتەوە.