لە سێ مانگی یەکەمی ئەمساڵ 458 بازرگانی ماددەی هۆشبەر دەستگیرکراون

ئاڤا نیوز

تەنیا لە سێ مانگی یەکەمی ئەمساڵدا، هێزەکانی ئاسایشی سەر بە بەڕێوبەرایەتیی نەهێشتنی مادەهۆشبەرەکان، 458  بازرگانی ماددەی هۆشبەر دەستگیر کردووە.

لێدوانی فەرمی: نەقیب ئەرکان بیبانی، وتەبێژی بەڕێوەبەرایەتیی گشتیی بەرەنگاربوونەوەی ماددە هۆشبەرەکان بە ئاڤا میدیای وت، لەماوەی سێ مانگدا 458 تۆمەتباری ماددەی هۆشبەر دەستگیرکراون، لەو ژمارەیە 217 کەسیان بەکارهێنەر بوون و 241 کەسی دیکەیان بازرگان بوون.

ئەوەی پێویستە بیزانیت: زیاتر لە 148 کیلۆ  ماددەی هۆشبەر بە هەموو جۆرەکانی وەک "کریستاڵ، تلیاک، کۆکاین، ماریجوانا، هیررۆین و حەشیش"  و 70 کیلۆ  حەبی کەپتاگۆن دەستی بەسەرداگیراوە.

زانیاریی زیاتر: دەستگیراوە بەسەر هەشت هەزار و 319 شیت حەبی هۆشبەر کە بەشێکیان بۆ  بواری تەندروستی بەکاردێن، بەشێکی دیکەیان بە مەبەستی بەکارهێنان وەک ماددەی هۆشبەر بەکاردێن.