وادەی هاتنی ترەمپ بۆ ڕۆژهەڵاتی ناوەڕاست ئاشکرا دەکرێت

ئاڤا نیوز

دۆناڵد ترەمپ هاوڕێ لەگەڵ ژمارەیەک بەرپرسی باڵای وڵاتەکەی لە نێویاندا وەزیری دەرەوە ئەمڕۆ سەردانی ڕۆژهەڵاتی ناوەڕاست دەکات و بریارە لەگەڵ سەرکردەی وڵاتانی عەرەبی کۆببێتەوە.

وێنە گەورەکە: سەردانەکەی ترەمپ و بەرپرسانی باڵای ئەمریکا بۆ ڕۆژهەڵاتی ناوەڕاست بۆ چارەسەرکردنی کێشە و ململانێکان و فراوانکردنی بازرگانی و وەبەرهێنانی ئەمریکایە لەگەڵ وڵاتانی ناوچەکە.

ڕاگەیێنراوی فەرمی: وەزارەتی دەرەوەی ئەمریکا ڕایگەیاند، مارکۆ ڕوبیۆ وەزیری دەرەوەی ئەمریکا لە ڕۆژانی 11 تا 14ـی ئەم مانگە لەگەڵ دۆناڵد ترەمپ دەچێتە سعوودیە و قەتەر، کە تێیدا کار لەسەر پتەوکردنی پەیوەندییەکانی نێوان ئەمریکا و هاوبەشەکانی کەنداو دەکرێت.

زانیاریی زیاتر: پەیوەندییەکانی وەزیری دەرەوەی ئەمریکا لەگەڵ بەرپرسانی باڵای ناوچەکە دەبێتە هۆی پێشخستنی چارەسەرەکان بۆ ئاستەنگە جیهانی و ناوچەییەکان، فراوانکردنی بازرگانی و وەبەرهێنانی دوولایەنە، و دووپاتکردنەوەی هاوبەشییە ستراتیژییەکانمان. ڕاگەیێنراوەکە وا دەڵیت.

لەلایەکی دیکەوە: وەزیری دەرەوەی ئەمریکا لە 14 تا 16ـی ئەم مانگە دەچێتە شاری ئەنتاڵیای تورکیا، بۆ بەشداریکردن لە کۆبوونەوەی وەزیرانی دەرەوەی ناتۆ بۆ تاوتوێکردنی ئەولەویەتەکانی ئەمنی بۆ هاوپەیمانێتییەکە، لەوانە زیادکردنی وەبەرهێنانی بەرگری و کۆتاییهێنان بە شەڕی ڕووسیا و ئۆکراینا.