ئەنجوومەنی باڵای دادوەری 11 ملیار دینار لە دۆسیەیەکی گەندەڵی دەگەڕێنێتەوە

ئاڤا نیوز

 

ئەمڕۆ سێشەممە، ئەنجوومەنی باڵای دادوەری عێراق، گەڕاندنەوەی 11 ملیار دیناری لە دۆسیەکانی ساختەکاری دارایی ڕاگەیاند، کە کۆمپانیایەکی ئالوگۆڕی دراو بە نایاسایی و ساختەکاری بردبووی.

 

وێنە گەورەکە:  دیاردەی گەندەڵی لە دوای ساڵی 2003ـەوە لە عێراق لە هەموو دامەزراوەکانی حکومەت بڵاوبووەتەوە، دەستەی دەستپاکیش ماوە ماوە دۆسییە گومانلێکراوەکان هەڵدەداتەوە، دواتریش دۆسییەکان ئاراستەی دادگا دەکات.

 

ڕاگەیێنراوی فەرمی: ئەنجوومەنی باڵای دادوەریی عێراق لە ڕاگەیێنراوێکدا ڕایگەیاند: دادگای لێکۆڵینەوەی کەرخی دووەم، بڕی 11 ملیار دیناری گەڕاندووەتەوە کە کۆمپانیایەکی ئالوگۆڕی دراو بە ساختەکاری بردبووی.