قائانی بە ئاشکرا سەردانی بەغدا دەکات

ئاڤا نیوز

فه‌رمانده‌ی فه‌یله‌قی قودسی سوپای پاسدارانی ئێران بە ئاشکرا سەردانی بەغدا دەکات و لەگەڵ قاسم ئەعرەجی، ڕاوێژکاری ئاسایشی نیشتمانی عێراق کۆبووەوە.

بۆچی گرنگە: سەردانەکەی ئەمڕۆی ئیسماعیل قائانی، فەرماندەی سوپای قودسی ئێران هاوکاتە لەگەڵ سەردانەکەی دۆناڵد ترەمپ، سەرۆکی ئەمریکا بۆ وڵاتانی کەنداو و بەڕێوەچوونی لووتکەی عەرەبی لە بەغدا.

ڕاگەیێنراوی فەرمی: قاسم ئەعرەجی، ڕاوێژکاری ئاسایشی نیشتمانی عێراق ڕایگەیاند: لە چوارچێوەی ڕێککەوتنی ئەمنی نێوان هەردوو وڵات، گفتوگۆمان سەبارەت بە پەرەپێدانی پەیوەندییەکانی عێراق و ئێران و هەوڵە هاوبەشەکان بۆ دەستەبەرکردنی ئاسایشی سنوورەکان و قۆناغەکانی جێبەجێکردنی سەرجەم بڕگەکانی ئەو ڕێککەوتنە ئەمنییە کرد .

ئەوەی پێویستە بیزانیت: پێشتر چەند جارێک فه‌رمانده‌ی فه‌یله‌قی قودسی سوپای پاسدارانی ئێران بە نهێنی سەردانی بەغدای کردووە و لەگەڵ لایەنە شیعییەکان و سەرکردەی گرووپەکانی بەناو بەرەی مقاوەمەی ئیسلامی لە عێراق کۆبووتەوە.