سەرۆک بارزانی: هێشتا حەزی سڕینەوەی مافەكانی گەلی کوردستان دەبینرێت

ئاڤا نیوز

 

لە ساڵیادی کیمابارانکردنی هەڵەبجە سەرۆک بارزانی دەڵێت، دوای 36 ساڵ هێشتا لە دەوڵەتی عێراقدا حەزی سڕینەوە و ئینکارکردنی مافەکانی گەلی کوردستان دەبینرێت.

ڕاگەیێنراوی فەرمی: سەرۆک بارزانی، پەیامێکی لە تۆڕی کۆمەڵایەتیی ئێکس بڵاوکردەوە و ڕایگەیاند، تاوانی کیمیابارانکردنی هەڵەبجە بەڵگەی ستەمکاری و عەقلیەتی نامرۆڤانەی نەیارانی گەلی کوردستانە. 

زانیاریی زیاتر: دوای تێپەڕینی 36 ساڵ بەسەر کارەساتی هەڵەبجەدا مایەی شەرمەزارییە هێشتا لەناو دەوڵەتی عێراقدا حەزی سڕینەوە و ئینکارکردنی مافەکانی گەلی کوردستان دەبینرێت. سەرۆک بارزانی ئەمەشی گوتووە.

باکگراوند: ئەمڕۆ 36 هەمین ساڵیادی کیمیابارانکردنی هەڵەبجەیە، کە بەهۆیەوە زیاتر لە پێنج هەزار هاونیشتیمانی سڤیل شەهیدبوون و زیاتر لە 10 هەزار کەسیش بریندار و ژمارەیەکیش بێسەروشوێن بوون.