هاکان فیدان: تورکیا بەردەوام دەبێت لە پشتیوانیکردنی ئاسایشی ئەوروپا

ئاڤا نیوز

 

هاکان فیدان، وەزیری دەرەوەی تورکیا، پشتیوانی تورکیا لە بەهێزکردنی ژێرخانی پیشەسازی بەرگریی ئەوروپا دووپات دەکاتەوە و دەڵێت: تورکیا کە خاوەنی دووەم گەورەترین سوپایە لە هاوپەیمانی ناتۆدا، بە توانا سەربازییەکان و ژێرخانی پیشەسازی بەرگرییەکەی بەردەوام دەبێت لە ڕۆڵ بینین لە تەلارسازیی ئاسایشی ئەوروپا.

 

چیرۆکی سەرەکی: دوای کۆبوونەوەی نافەرمی وەزیرانی دەرەوەی وڵاتانی ئەندام لە ناتۆ کە لە ناوەندی کۆنگرەی نێست لە شاری ئەنتاڵیای تورکیا بەڕێوەچوو، فیدان، وەزیری دەرەوەی تورکیا کۆنگرەی ڕۆژنامەوانیی سازکرد.

 

لێدوانی فەرمی: هاکان فیدان گوتی: تورکیا کە خاوەنی دووەم گەورەترین سوپایە لە هاوپەیمانی ناتۆدا، بە توانا سەربازییەکان و ژێرخانی پیشەسازی بەرگرییەکەی بەردەوام دەبێت لە دەور بینینی زۆر گرنگ لە تەلارسازیی ئاسایشی ئەوروپادا.

 

- لە سەردەمێکی لەم شێوەیەدا، چاوەڕوانیمان ئەوەیە لە بواری ئاسایشدا گشت هەنگاوەکان بە شێوەیەک ئەرێنین بن بە ناپێویست دووبارە نەبنەوە، ڕێگە بە جیابوونەوە و لێکترازان لە ناتۆ نەدرێت.

 

لەلایەکی دیکەوە: فیدان باسی لەوە کرد کە کۆبوونەوەکانی ئەنتاڵیا دەوری سەرەکی ناتۆی لە تەلارسازیی ئاسایشی ئەوروپا - ئەتڵەنتیک پشتڕاستکردەوە و ناتوانرێت بە جیا بیر لە ئاسایشی ئەوروپا و ناتۆ بکرێتەوە.