بانکی نێودەوڵەتیی: قەرز لەسەر سووریا نەماوە

ئاڤا نیوز

بانکی نێودەوڵەتیی دەڵێت، دوای وەرگرتنی پارە لە سعوودیە و قەتەر، 15 ملیۆن و 500 هەزار دۆلاری قەرزە نەدراوەکانی سووریایان پاککردووەتەوە، بەمەش وڵاتەکە شایستەیە بۆ وەرگرتنی قەرزی نوێ بەمەبەستی ئاوەدانکردنەوە و پاڵپشتیکردنی بودجەکەی.

چیرۆکی سەرەکی: سعوودیە و قەتەر لە مانگی ڕابردوو ڕایانگەیاندبوو قەرزەکانی سووریا دەدەنەوە و ئەمەش وادەکات سووریا شایستە بێت بۆ وەرگرتنی قەرز لە بانکی نێودەوڵەتی.

بڵاوکراوەی فەرمی: بانکی نێودەوڵەتیی ڕایگەیاندووە، خۆشحاڵین قەرزەکانی سەر سووریا پاککدەکەینەوە  کە بڕەکەی 15 ملیۆن و 500 هەزار دۆلار بوو و دووبارە ئەو وڵاتە دەتوانێت قەرز وەربگرێت بۆ چارەسەرکردنی پێداویستییەکانی گەشەپێدانی وڵاتەکەی، دوای ساڵانێک لە ململانێ، ئێستا سووریا لەسەر ڕێگای بووژانەوە و گەشەسەندندایە.

بانکەکە ئاماژەی بەوەشکردووە، لەگەڵ وڵاتانی دیکە کاردەکەن بۆ یارمەتیدانی کۆکردنەوەی پارەی گشتی و تایبەت بۆ ئەو بەرنامانەی کە دەتوانن یارمەتی گەلی سووریا بدەن بۆ بوونیادنانی ژیانێکی باشتر، سەقامگیرکردنی وڵاتەکە و ناوچەکە.

زانیاریی زیاتر: ئەم هەنگاوەی بانکی نێودەوڵەتیی دوای ئەوە دێت دۆناڵد ترەمپ، سەرۆکی ئەمریکا هەڵگرتنی سزاکانی سەر سووریای ڕاگەیاند.