لەنێوان پارێزگاکانی باشوور و ڕۆژهەڵاتی کوردستان 12 ڕێککەوتن واژۆکران

ئاڤا نیوز

بەمەبەستی پتەوکردنی پەیوەندییە ئابووری و بازرگانییەکانی نێوانیان، شاندێکی باڵا کە پێکهاتوون لە هەر چوار پارێزگارەکەی هەرێمی کوردستان لە سنەن و 12 ڕێککەوتنیان واژۆکرد.

چیرۆکی سەرەکی: لە چوارچێوەى سێیەمین دیدارى پارێزگا هاوسنوورییەکان کە دوو ڕۆژە له‌ شارى سنه‌ بەردەوامە، شاندێکی هەرێمی کوردستان چەندین دیدارى گرنگیان لەگەڵ پارێزگارانى ئازربایجانى ڕۆژئاوا، ئورمییە، سنە، کرمانشا کرد بەمەبەستى بەهێزکردنى جوولە و ڕه‌وشی بازرگانی و بره‌ودان به‌ بواری كولتوورى و پێوه‌ندییه‌ ئابوورییه‌كانى نێوان کۆمارى ئیسلامى ئێران و هەرێمى کوردستان.

ئەوەی پێویستە بیزانیت: شاندەکەی هەرێمی کوردستان پێکهاتبوون لە ئومێد خۆشناو، پارێزگاری هەولێر و عەلی تەتەر، پارێزگاری دهۆک و  هەڤاڵ ئەبوبەکر، پارێزگاری سلێمانی و نوخشە ناسح، پارێزگاری هەڵەبجە

زانیاریی بەدەستهاتوو: لێكتێگەیشتنەكانی نێوان پارێزگاكانی هەرێمی كوردستان و پارێزگا كوردییەكانی ڕۆژهەڵاتی كوردستان، 12 ڕێككەوتننامەن، لێكتێگەیشتنەكانیش لە بوارەكانی بازرگانی، گەشتیاری، هونەری و ئەندازیارین، گفتوگۆ لەسەر ئەوەش کراوە کە ژمارەیەک کارگەی جۆراوجۆر لە پارێزگاکانی هەرێمی کوردستان بکرێنەوە.

زانیاریی زیاتر: بڕیارە ئەو شاندە سەردانی تاران بکەن، لەگەڵ مەسعود پزیشکیان، سەرۆککۆماری ئێران و پارێزگاری تاران کۆببنەوە.