لە عێراق دەیان گزیکردن لە تاقیکردنەوەکانی وزاری تۆمار کراون

ئاڤا نیوز

لە دوو ڕۆژی تاقیکردنەوەی وزاری پۆلی سێی ناوەندی لە عێراق، زیاتر لە 50 گزیکردن هەبووە، وەزیری پەروەردەش هەڕەشەی "سزای تووند" دەکات.

چیرۆکی سەرەکی: ڕۆژی 20ـی ئەم مانگە، تاقیکردنەوەی وزاری پۆلی سێیەمی ناوەندی بە بەشداریی زیاتر لە 665 هەزار قوتابی لە عێراق دەستیپێکرد. قوتابییان لە زیاتر لە پێنج هەزار و 200 ناوەندی خوێندن تاقیکردنەوە ئەنجامدەدەن.

ڕاگەیێنراوی فەرمی: وەزارەتی پەروەردەی عێراق لە ڕاگەیێنراوێکدا ڕایگەیاند: بەهۆی هەماهەنگی کاری لیژنەکانی تاقیکردنەوەکان و دەزگای ئاسایشی نیشتمانی و کاراکردنی بەرنامەی پەنجەمۆری ئەلیکترۆنی هاوچەرخ بۆ نەهێشتنی گزی و فێڵکردن، لەماوەی دوو ڕۆژی تاقیکردنەوەکانی قۆناغی ناوەندی لە پارێزگاکانی بەغدا و کەرکوک و بەسرە 53  گزیکردن و سێ خۆدزینەوە (ناردنی کەسی دیکە لە شوێنی قوتابییە ڕاستەقینەکە بۆ هۆڵی تاقیکردنەوە) ڕوویان داوە.

زانیاریی زیاتر: ئیبراهیم نامس جبووری، وەزیری پەروەردە هەڕەشەی زیندانیکردن و تووندترین سزا لە سەرپێچیکاران دەکات.