جووتسایدی کەلار - دەربەندیخان تەواو دەکرێت

ئاڤا نیوز

 

وەزارەتی ئاوەدانکردنەوە و نیشتەجێکردنی هەرێمی کوردستان لەبارەی تەواوبوونی ڕێگای جووتسایدی کەلار - دەربەندیخان دەڵێت، "لە چەند مانگی داهاتوو تەواو دەبێت".

 

بابەتی سەرەکی: ڕێگای نێوان کەلار - دەربەندیخان کە پرۆژەیەکی گرنگی ستراتیژیی حکومەتی هەرێمی کوردستانە، ساڵانێک بوو کارکردن تیایدا بەهۆی قەیرانی داراییەوە ڕاگیرابوو، بەڵام لە کابینەی نۆ سەرلەنوێ کارەکانی پڕۆژەکە دەستیانپێکردووەتەوە.

 

لێدوانی فەرمی: ئاگرین عەبدوڵڵا، بریکاری وەزارەتی ئاوەدانکردنەوە و نیشتەجێکردنی هەرێمی کوردستان بە ئاڤای ڕاگەیاند: کارەکانی جووتسایدی نێوان کەلار - دەربەندیخان بەردەوامە و لە چەند مانگێکی دیکە دا تەواو دەبێت.

 

سەبارەت بە دروستکردنی تونێلی دەربەندیخان کە تەواوکەری جووتسایدی ڕێگای کەلار-دەربەندیخانە، بریکاری وەزارەتی ئاوەدانکردنەوە و نیشتەجێکردن دەڵێت: هێشتا ڕەزامەندی دروستکردنی تونێلەکەمان نییە، بەڵام لە پلاندا بۆ کابینەی 10 دانراوە، تێچووی دروستکردنی تونێلەکەش 350 ملیار دینارە.