مەسرور بارزانی و هەڵسوڕێنەری کاروباری باڵیۆزخانەی سوید دۆخی گشتیی عێراق و ناوچەکە ئاڵوگۆڕ دەکەن

ئاڤا نیوز

سەرۆكوەزیران مەسرور بارزانی و یورگن لیندسترۆم، هەڵسوڕێنەری کاروباری باڵیۆزخانەی سوید لە عێراق كۆبوونەوە و چەند پرسێكیان تاووتوێ كرد.

بڵاوكراوەی فەرمی: سەرۆكوەزیران مەسرور بارزانی لە لاپەڕەی خۆی لە فەیسبووك سەبارەت بە كۆبوونەوەكە بڵاوی كردەوە: بیروڕامان لەبارەی پەرەپێدانی پەیوەندیی دوولایەنە و دۆخی گشتیی عێراق و ناوچەکە ئاڵوگۆڕ کرد.

زانیاریی زیاتر: ڕۆڵی کارای ڕەوەندی کوردستانی لە سوید و پرسی کۆچکردن و ڕووبەڕوونەوەی کاریگەرییە نەرێنییەکانی گۆڕانکارییەکانی کەشوهەوا، چەند تەوەرێکی دیکەی گفتوگۆکان بوون.