دادگای فیدراڵی ئەمریکا بڕیارەکەی ترەمپی بۆ  سەپاندنی پێناسی گومرگی هەڵوەشاندەوە

ئاڤا نیوز

دادگای بازرگانی ئەمریکا بڕیاری دا جێبەجێکردنی بڕیاری سەپاندنی پێناسی گومرگی کە لەلایەن دۆناڵد ترەمپ، سەرۆکی ئەمریکاوە دراوە هەڵبوەشێنێتەوە و بڕیارەکانی  بە نایاسایی وەسف کرد.

چیرۆکی سەرەکی: ڕۆژی چوارشەممە، 28-5-2025، دادگای ئەمریکی تایبەت بە پرسەکانی بازرگانی نێودەوڵەتیی بڕیارێکی دەرکرد کە سەپاندنی پێناسی گومرگی بە ڕێژەی 10%  لەسەر هەموو کاڵا هاوردەکراوەکان بۆ ئەمەریکا هەڵوەشاندەوە کە ماوەیەک پێش ئێستا لەلایەن ترەمپ بڕیاری لەسەر درابوو، دادگا ڕایگەیاند، تەنیا کۆنگرێس دەسەڵاتی سەپاندنی ئەم بڕیارانەی هەیە.

بۆچوونی لایەنی بەرامبەر: ئیدارەی ترەمپ تانەی لە بڕیارەکەی دادگای فیدڕالی دا و ڕایگەیاند: دادوەرە هەڵنەبژێردراوەکان، توانای بەڕێوەبردنی باری نائاسایی نیشتمانییان نییە، سەرۆکی ئەمریکا بەڵێنی داوە ئەمریکا بکاتە پیشەنگ، بۆیە ئیدارەی ئەمەریکاش پابەندە بە بەکارهێنانی هەموو دەسەڵاتی جێبەجێکردن بۆ وەڵامدانەوەی ئەم قەیرانە و گەڕاندنەوەی گەورەیی و سەروەری ئەمەریکا.

کاریگەری و لێکەوتەکان: بەهۆی بڕیارەکەی دادگای بازرگانی ئەمریکا، نرخی زێر دابەزی و بەهای دۆلار بەرامبەر بە دراوەکانی دیکە بەرزبووەتەوە، هاوکات نرخی نەوتیش بەرزبوونەوەی بەخۆیەوە بینی.

باکگراوند: ڕۆژی 2025-04-02، دۆناڵد ترەمپ، سەرۆکی ئەمریکا بڕیاری دا بە ڕێژەی 10%  پێناسی گومرگی بەسەر بەرهەمە هاوردەکراوەکان بۆ ئەمریکا بسەپێنێت و لە هەندێک وڵات ڕێژەکە 50% بوو, ئەمەش کاردانەوەی نێودەوڵەتیی لێکەوتەوە و بە نایاساییان دانا.