گرژییەکانی نێوان ئەمریکا و چین سەرهەڵدەداتەوە

ئاڤا نیوز

ترەمپ هۆشداری دەدات لە سەرهەڵدانەوەی گرژییە بازرگانییەکانیان لەگەڵ چین و دەڵێت، پەکین ئەو ڕێککەوتنەی پێشێڵکردووە کە دەبوو ڕێژەی باج کەمبکرێتەوە.

وێنە گەورەکە: ئەمریکا و چین کە خاوەنی گەورەترین ئابووری جیهانن لەم مانگەدا ڕێککەوتن ڕێژەی باج لەسەر کاڵاکانی یەکتر بۆ ماوەی 90 ڕۆژ کەمبکەنەوە.

لێدوانی فەرمی: دۆناڵد ترەمپ، سەرۆکی ئەمریکا لە تروس سۆشیاڵ ڕایگەیاند،  بەهۆی ئەو باجانەی سەپاندم بەسەر چیندا دوو هەفتە لەمەوبەر ئەو وڵاتە لە مەترسییەکی گەورەی ئابووریدا بوو، بۆئەوەی لەو دۆخە ڕزگارییان بکەم ڕێککەوتنمان لەگەڵدا واژۆکردن، بەڵام چین بە تەواوی ڕێککەوتنەکەی لەگەڵ ئەمریکا پێشێل کردووە.

لەلایەکی دیکەوە: سکۆت بێسنت، وەزیری گەنجینەی ئەمریکی ڕایگەیاند، دانوستانە بازرگانییەکانی ئەمریکا لەگەڵ چین وەستاون.