ژنێک لەبەردەم درێم ستی هەولێر کوژرا

ئاڤا نیوز

بکوژی ئەو ژنەی هەولێر دەستگیر کرا، بەڕێوەبەرایەتیی پۆلیسی هەولێریش دەڵێت، بکوژەکە بە دەمانچە کردەوەکەی ئەنجامداوە.

چیرۆکی سەرەکی: دەنگۆی کوشتنی ژنێک لەبەردەم درێم ستی لەسەر شەقامی 40 مەتری هەولێر بڵاوبووەوە، ئاڤا بەدواداچوونی بۆ ڕاستی ڕووداوەکە کرد.

لێدوانی فەرمی: سەرچاوەیەک لەبەڕێوەبەرایەتیی پۆلیسی هەولێر بە ئاڤا میدیای ڕاگەیاند: کچێک بەناوی بینا سەڵاحەددین ساڵح کە لەدایکبووی 1998ـە، لەلایەن مێردی پێشوویەوە بە چەکی دەمانچە کوژراوە.

ئەوەی پێویستە بیزانیت: ئەو ژنە نزیکەی شەش مانگە لە هاوسەرەکەی جیابووەتەوە، لە ئیدارەی شوقەکانی MNW کاری کردووە، هەروەها بکوژیش لەو شوێنە شوقەی هەبووە و ڕووداوەکەش لە پێش ئەو شوقانە ڕوویداوە.

زانیاریی زیاتر: دوای ڕووداوەکە بکوژەکە لەلایەن سکیوریتی شوقەکانەوە دەستگیرکراوە و پۆلیس و ئاسایشیان ئاگادارکردووەتەوە، ڕادەستی ئاسایش کراوە.