ئەو کرێکارانەی لە هەولێر کەوتبوونە ژێر خۆڵ دەرهێنران

ئاڤا نیوز 

بەرگریی شارستانیی هەولێر دەڵێت، سەرجەم ئەو کرێکارانەی کەوتنە ژێر بۆری ئاوی پڕۆژەی خزمەتگوزاریی خێرای گەیاندنی ئاو بۆ هەولێر دەر‌هێنران و ڕەوانەی نەخۆشخانە کران.

چیرۆکی سەرەکی: ئەمڕۆ لەکاتی کارکردن لە پڕۆژەی خزمەتگوزاریی خێرای گەیاندنی ئاو بۆ هەولێر بەهۆی دارمانی ئەو چاڵەی کە بۆ بۆری هەڵکەندراوە، پێنج کرێکار کەوتنە ژێر خۆڵی چاڵەکە و سەرجەمیان عەرەب بوون.

لێدوانی فەرمی: موقەدەم شاخەوان سەعید، گوتەبێژی بەرگریی شارستانیی هەولێر بە ئاڤای گوت، تیمەکانی ڕزگارکردنی بەرگریی شارستانیی هەر پێنج کرێکاری ڕزگار کرد و ڕەوانەی نەخۆشخانە کران، چوار کەسیان تەندروستییان جێگیرە، یەکێکیشیان باری تەندروستی ناجێگیرە. 

زانیاریی زیاتر: بەپێی زانیارییەکانی ئاڤا یەکێک لە بریندارەکان بەهۆی ناجێگیڕیی باری تەندروستی گیانی لەدەست داوە.