ئیسرائیل لە شەوی جەژندا دەیان فەلەستینیی دیکە دەکوژێت

ئاڤا نیوز

سوپای ئیسرائیل لە هێرشەکانی شەوی جەژن بۆ سەر کەرتی غەززە لانیکەم 27 کەسی کوشت.

چیرۆکی سەرەکی: سوپای ئیسرائیل لە یەکەم شەوی جەژنی قوربان دوو هێرشی بۆ سەر نەخۆشخانەی 'ئەهلی' و شاری خان یوونسی لە باشووری غەززە ئەنجامدا و لانیکەم 27 کەس کوژران. لە ناو کوژراوەکاندا سێ ڕۆژنامەنووس هەن کە لە نەخۆشخانەی ئەهلی بە ئامانج گیراون.

لێدوانی فەرمی: کۆمیتەی بەرگریکردن لە ڕۆژنامەنووسان لە نیویۆرک ڕایگەیاند، "لە سەرەتای هێرشەکانەوە، ئیسرائیل لانیکەم 180 پەیامنێر و چالاکوانی میدیایی لە کەرتی غەززە کوشتووە.

لەلایەکی دیکەوە: سەندیکای ڕۆژنامەنووسانی فەلەستینی ڕایگەیاند: سێ ڕۆژنامەنووسە کوژراوەکە هەر یەکە لە 'ئیسماعیل بەدیح، سلێمان حەجاج و سەمیر ڕەفاعی' بوون و بەم شێوەیەش تا ئێستا ئیسرائیل 225 پەیامنێر و چالاکوانی میدیایی کوشتووە کە 30 کەسیان ژن بوون.