ترەمپ بۆ نەتەنیاهۆ: بە گفتوگۆ نەک بە بۆمب دەمەوێت لەگەڵ ئێران بگەمە ڕێککەوتن

ئاڤا نیوز

ئاکسیۆس ئاشكرای دەکات، دۆناڵد ترەمپ، سەرۆکی ئەمریکا بە بنیامین نەتەنیاهۆ، سەرۆکوەزیرانی ئیسرائیل وتووە، لەم کاتەدا هێرشی خۆی بۆ سەر ئێران ئەنجام نەدات.

زانیاریی بەدەستهاتوو: ئاکسیۆس لە زاری بەرپرسێکی ئیسرائیلی و ئەمریکییەوە ئاشکرای کردووە،ترەمپ بە نەتەنیاهۆی ڕاگەیاندووە لەم کاتەدا ‌هێرشی سەربازی بۆ سەر ئێران ئەنجام نەدات، چونکە پێی وایە ئەگەری گەیشتن بە ڕێککەوتنێکی ئەتۆمی لەگەڵ ئەو وڵاتەدا هەیە. هاوکات ترەمپ ئاماژەی بەمەش کردووە،'' ئێرانییەکان کەلەڕەقن و بە هەڵسوکەوتیان بێزارە، بەڵام دەتوانین ئەوان ڕازی بکەین بگەین بە ڕێککەوتن''

ئەوەی لەبارەیەوە دەگوترێت: ئاکسیۆس دەڵێت، ترەمپ لەمیانەی پەیوەندییەکی تەلەفۆنی ڕۆژی دووشممە 2025-06-09، ئەمەی بە بنیامین نەتەنیاهۆ، سەرۆکوەزیرانی ئیسرائیل وتووە.

لەلایەکی دیکەوە: فەرماندەی ناوەندیی هێزەکانی ئەمریکا (سێنتکۆم) هۆشدارییداوە لەوەی ئەگەر لەگەڵ ئێران نەگەن بە ڕێککەوتنێک، بە هێزێکی زۆرەوە وەڵام دەدەنەوە.