ئێران: لە ئەگەری ڕوودانی ململانێی سەربازی لە بنکەکانی ئەمریکا لە ناوچەکە دەدەین

ئاڤا نیوز

وەزیری بەرگریی ئێران هەڕەشە لە ئەمریکا دەکات لە ئەگەری شکستهێنانی دانوستانەکانی نێوانیان و دەڵێت، زیانەکانی ئەمریکا زیاتر دەبن ئەگەر دانوستانەکان نەگەنە ئەنجام.

وێنە گەورەکە: لە کاتێکدا ئەمریکا و ئێران ئامادەکاری بۆ بەڕێوەچوونی شەشەم گەڕی دانوستانەکانی نێوانیان دەکەن، بەڵام هەردوو وڵات بەردەوامن لە هەڕەشەکانیان بۆ سەر یەکتری و ناکۆکییەکانی نێوانیان زیاتر بوون و وەزیری بەرگریی ئێران هەڕەشەی لێدان لە بنکەکانی ئەمریکا لە ناوچەکە دەکات ئەگەر ناکۆکی لە نێوان تاران و واشنتن سەرهەڵبدات.

لێدوانی فەرمی: عەزیز نەسیر زادە، وەزیری بەرگریی ئێران ڕایگەیاند: ئامادەین بۆ گەیشتن بە رێککەوتن لەگەڵ ئەمریکا و هەڵگرتنى سزاکان، بەڵام لە ئەگەری شکستی دانوستانەکان و زیادکردنى سزاکان لەلایەن ئەمریکاوە بۆ سەر وڵاتەکەمان پلانى خۆمان هەیە.

لەلایەکی دیکەوە: نەسیر زادە گوتیشی، ئیسرائیل ئاستەنگ بۆ دانوستانەکان لەگەڵ واشنتن دروست دەکات بە هەڕەشەکانی بۆ لێدان لە دامەزراوە ئەتۆمییەکانی وڵاتەکەمان.