فەرماندەیەکی پێشووی ئیسرائیل: هێرشی ئەمجارەی سەر ئێران لەوانەی پێشوو جیاواز دەبێت

ئاڤا نیوز

 

فەرماندەیەکی پێشووی ئیسرائیل بەر لە هێرشە بەرفراوانەکەی ئیسرائیل بۆ سەر دامەزراوە ئەتۆمییەکانی ئێران ڕایگەیاند، ئەمریکا لە ڕووبەڕووبوونەوەی ئێران هاوکاریی ئیسرائیل دەکات.

 

لێدوانی فەرمی: ڕان کوخاو، فەرماندەی پێشووی بەرگریی ئاسمانیی ئیسرائیل ڕایگەیاند: "هێرشی هاوبەشی ئەمریکا و ئیسرائیل بۆ سەر ئیران لەوانەی پێشووی ئیسرائیل بۆ سەر ئێران جیاواز دەبێت. ئێمە دەبێت ئۆپەراسیۆنێکی درێژخایەن ئەنجام بدەین. وەڵامی ئێرانیش تووند، جیاواز و سەخت دەبێت. لەگەڵ ئەوەشدا دەبێت ئەوەش لە پێش چاو بگرین کە باشتر وایە هەم لە هێرش و هەمیش لە بەرگریکردن هاوڕێی ئەمریکای هاوبەشی ستراتیژیمان کار بکەین." 

 

لەلایەکی دیکەوە: دۆناڵد ترەمپ، سەرۆکی ئەمریکا پێشتر ڕایگەیاند دڵنیا نییە لەوەی ئیسرائیل بەم زووانە هێرش بکاتە سەر ئێران، بەڵام ئەوە شتێکە کە ئەگەری ڕوودانی هەیە.

 

زانیاریی زیاتر: " دوای بەدوای ئەو لێدوانی سەرۆکی ئەمریکا، بەرەبەیانی ئەمڕۆ هەینی 13-6-2025 ئیسرائیل هێرشی کرد سەر چەند ناوەندێکی گرنگی ئێران و بەهۆیەوە حوسێن سەلامی، فەرماندەی گشتیی سوپای پاسداران و جەنەراڵ غوڵام عەلی رەشید، فەرماندە قەرارگای ناوەندیی خاتەمول ئەمبیا، د.محەممەد مەهدی تهرانچی، سەرۆکی زانکۆی ئازاد و  د.فەرەیدوون عەباسی، سەرۆکی پێشووتری رێکخراوی وزەی ئەتۆمی ئێران، عەلی شەمخانی، ڕاوێژکاری باڵای خامنەیی کوژراون.