میدیای ئیسرائیل: بەشێک لەو درۆنانەی ئاراستەی ئیسرائیل کراوە لەعێراقەوە هەڵدراون

ئاڤا نیوز

بەپێی دەزگا میدیاییەکانی ئیسرائیلی، بەشێک لەو درۆنانەی ئاراستەی ئیسرائیل کراوە لەعێراقەوە هەڵدراون.

چیرۆکی سەرەکی: بەرەبەیانی ئەمڕۆ سوپای ئیسرائیل هێرشێکی فراوانی کردە سەر چەندین دامەزراوە و شوێنی نیشتەجێبوونی فەرماندە باڵاکانی سوپای پاسدارانی ئێران ژمارەیەک بەرپرس و زانای ئەتۆمی ئەو وڵاتەی کوشت. 

 

ڕاگەیێنراوی فەرمی: سوپای ئیسرائیل ڕایگەیاند، ئێران نزیکەی سەد درۆنی بە ئاراستەی ئیسرائیل هەڵداون، بە مەزەندەی ئیسرائیل درۆنەکان پێویستییان بە چەند کاتژمێرێک هەیە تا دەگەنە ئامانجەکانیان و بەپێی ڕۆژنامەی یەدیعوت ئەحرۆنۆتی ئیسرائیلی، هێرشەکەی تاران بۆ سەر ئیسرائیل سەرکەتوو نەبووە.

ڕۆژنامەکە باس لەوە دەکات، لە ئەگەری پشتراستکردنەوەی ئەم هەواڵە ئەوا عێراقیش پەلکێشی ئەم جەنگە دەکرێت.