ئوردن ئاسمانى وڵاتەکەى بەڕووی گەشتە ئاسمانییەکان داخست

ئاڤا نیوز

دەستەى فڕۆکەوانیى مەدەنی ئوردن داخستنى ئاسمانى وڵاتەکەى بە ڕووى گەشتى فڕۆکەوانى ڕاگەیاند و سەرجەم گەشتەکانیشی لەفڕۆکەخانەکانی ئوردن ڕاگرت.

 

چیرۆکی سەرەکی: بەرەبەیانی ئەمڕۆ هەینی 13-6-2025، ئیسرائیل هێرشێکی بەرفراوانی کردە سەر دامەزراوە ئەتۆمییەکانی ئێران و ماڵی چەندین سەرکردەی سوپای پاسدارانیشی بە ئامانج گرت لەبەرامبەردا ئێران سەد درۆنی ئاڕاستەی ئیسرائیل کرد.

  
ڕاگەیێنراوی فەرمی: دەستەى فڕۆکەوانیی مەدەنى ئوردن ئاماژەی بەوەکرد بە گوێرەى پێشهاتەکان هەڵسەنگاندن و پێداچوونەوە بەو بڕیارەدا دەکەن، بەڵام ئێستا ئاسمانى وڵاتەکەى بە ڕووى گەشتى فڕۆکەوانى بەتەواوی داخراوە، وەک پابەندبوونێک بۆ پاراستنى ژیان و سەلامەتی فرۆکەوانی مەدەنی.