عێراق بە تووندی سەرکۆنەی هێرشەکانی ئیسرائیل دەکات بۆ سەر ئێران

ئاڤا نیوز

 

حکومەتی عێراق، بە تووندی سەرکۆنەی هیرشەکەی ئیسرائیل بۆ سەر ئێران دەکات و داوای هەڵوێست لە کۆمەڵگەی نێودەوڵەتیی دەکات.

چیرۆکی سەرەکی: بەرەبەیانی ئەمڕۆ هەینی 13-6-2025 ئیسرائیل هێرشێکی بەرفراوانی کردە سەر دامەزراوە ئەتۆمییەکانی ئێران و ماڵی چەندین سەرکردەی سوپای پاسدارانیشی بە ئامانج گرت لەبەرامبەردا ئێران دەیان درۆنی ئاڕاستەی ئیسرائیل کرد، هەردولاش ئاسمانی عێراقیان بەزاندووە لەو هێۆشانەدا

لێدوانی فەرمی: باسم عەوادی، وتەبێژی فەرمی حکومەتی عێراق ڕایگەیاند: هێرشەکەی ئیسڕائیل بۆ سەر ئێران پێشێلکردنی بنەمای سەرەکیی یاسای نێودەوڵەتیی و میساقی نەتەوە یەکگرتووەکانە، هاوکات مەترسی لەسەر ئاشتی و ئاسایشی نێودەوڵەتیی دروست دەکات.

- پێویستە کۆمەڵگەی نێودەوڵەتیی هەڵوێستی هەبێت و ناکرێت بێ دەنگی لەم پێشێلکارییە ڕوون و ئاشکرایە هەڵبژێرێت کە مەترسی لەسەر ئاشتی و ئاسایشی نێودەوڵەتیی دروست دەکات.

- حکومەتی عێراق داوا لە ئەنجوومەنی ئاسایشی نێودەوڵەتیی دەکات، بەپەلە کۆببێتەوە و ڕێوشوێنی یەکلاکەرەوە بۆ ڕێگریکردن لەم دەستدرێژییە بگرێتەبەر و جەخت لە دووبارە نەبوونەوەی بکاتەوە.

- حکومەتی عێراق هاوسۆزی خۆی بۆ گەلی ئێران دووپات دەکاتەوە و دژی هەر پێشێلکارییەک بۆ سەروەری خاک و یاسا نێودەوڵەتییەکان دەوەستێت.