لە زیقاڕ پارچە مووشەکێک دەدۆزرێتەوە

ئاڤا نیوز

لەگوندێکی پارێزگای زیقار پارچە مووشەکێک دەدۆزرێتەوە، سەرچاوەیەکی ئەمنیش بەئاڤا دەڵێت: "لە ئێران دروست کراوە. "

چیرۆکی سەرەکی:  بەهۆی هەڵکەوتەی سنووری عێراق لەگەڵ ئێران و بەکارهێنانی ئاسمانەکەی لە لایەن هەردوو بەرەی جەنگ ئیسرائیل و ئێران، لەچەندین ناوچەی عیراق پارچە مووشەک دۆزراوەتەوە، بەڵام تاوەکو ئێستا ڕووداوی نەخوازراوی لێنەکەوتووەتەوە.

 لێدوانی فەرمی: سەرچاوەیەکی ئەمنی بەئاڤا میدیای ڕاگەیاند: درەنگانی شەوی ڕابردوو لە گوندی عەسافی سەر بەقەزای دەوایە لە باکووری شاری ناسڕییە، پارچە مووشەکێک لەلایەن هێزێکی پۆلیسەوە دەدۆزریتەوە.

زانیاریی زیاتر: ئەو سەرچاوەیە ئاشکراشی کرد، لێکۆڵینەوە سەرەتاییەکان دەریانخستووە، پارچە مووشەکەکە کە درێژییەکەی نزیکەی مەتر و نیوێک دەبێت، بارگەیەکی پاڵنەرە بۆ مووشەکێکی پێشکەتوو لە ئێران دروستکراوە و هەر لەوێشەوە ئاراستەی ئیسرائیل کراوە.