ئێران مەرجی خۆی بۆ دەستپێكردنەوەی دانوستانەكان ڕادەگەیەنێت

ئاڤا نیوز

ئێران بە مەرجی ڕاگرتنی هێرشەكانی ئیسرائیل، ئامادەیە دانوستانەكان لەبارەی پرۆگرامە ئەتۆمییەكەی دەستپێبكاتەوە.

 

بڵاوكراوەی فەرمی: ڕۆژنامه‌ی فاینانشیاڵ تایمزی بەریتانی لە زاری بەرپرسێكی بەریتانی بڵاویكردووەتەوە، ئێران مه‌رجێكی سه‌ره‌كی داناوه‌ بۆ گه‌ڕانه‌وه‌ بۆ دانوستان لەبارەی پرۆگرامە ئه‌تۆمییه‌كه‌ی، ئه‌ویش ڕاگرتنی هێرشه‌كانی ئیسرائیله‌.

 

زانیاریی زیاتر: بەگوێرەی ڕۆژنامەكە، ئێران قەناعەتی وایە كە دەستوەردانی ئەمریكا لە دانوستانەكانی وڵاتانی ئەوروپا لەگەڵ ئێران، پلان بۆ داڕێژراوە.

 

پەیوەست بەم بابەتە: دوێنێ لە كۆبوونەوەی جنێف، وەزیری دەرەوەی ئێران دووپاتیكردەوە كە پرۆگرامە ئەتۆمییەكەیان بەتەواوی ئاشتیانەیە و لەژێر چاودێری ئاژانسی نێودەوڵەتی وزەی ئەتۆمدایە.

- باسی لەوەشكرد، تاران لەم جەنگە متمانە بە ئەمریكا ناكات، بەو پێیەی واشنتن بە ئاشكرا پشتیوانی ئیسرائیل دەكات، ئەگەر ئیسرائیل هێرشەكانی بۆ سەر ئێران ڕابگرێت، ئامادەن دانوستانەكان دەستپێبكەنەوە.