سعودیە بە بڕی 40 ملیۆن دۆلار هاوکاریی ئونروا دەکات

ئاڤا نیوز

 

سعودیە هاوکاری دارایی پێشکەشی ئاژانسێکی ئەمریکی تایبەت بە هاوکاریکردنی ئاوارە فەلەستینییەکان دەکات؛ پێشتر بەهۆی تێوەگلانیانەوە لە هێرشەکەی حەماس بۆ سەر ئیسرائیل هاوکارییەکانیان ڕاگرتبوو.

 

ڕاگەیێنراوی فەرمی: ناوەندیی فریاگوزاری و یارمەتییە مرۆییەکانی شا سەلمان ڕایگەیاند: "لە چوارچێوەی بەهێزکردنی یارمەتییە داراییەکانی سعودیە بۆ فەلەستینییەکان بە بەهای 40 ملیۆن دۆلار هاوکاریی پيشکەش بە ئاژانسی بووژانەوە و کاروباری نەتەوە یەکگرتووەکان بۆ ئاوارە فەلەستینییەکان (ئونروا) دەکرێت". 

 

زانیاریی زیاتر: ئونروا سەرپەرشتیی دابینکردنی خۆراک، چاودێریی تەندروستی و سەرپەنا بۆ نزیکەی دوو ملیۆن ئاوارەی غەززە دەکات.

 

ئەوەی پێویستە بیزانیت: پێشتر ئیسرائیل بانگەشەی ئەوەی کردبوو کە 12 کارمەند لەکۆی 13 هەزار کارمەندی ئونروا لە هێرشی حەوتی ئۆکتۆبەری ‌حەماس بۆ سەر ئیسرائیل تێوەگلاون و بەم بۆنەیەوە ژمارەیەک وڵات، لەنێویشیاندا ئەمریکا و بەریتانیا، هاوکارییەکانیان بۆ ئاژانسەکە ڕاگرت و ئەمەش قەیرانێکی گەورەی بۆ ئاژانسەکە دروستکرد.