ئیسرائیل: لەسەر داوای ترەمپ ‌هێرشەکانمان ڕادەگرین

ئاڤا نیوز

نووسینگەی سەرۆکوەزیرانی ئیسرائیل بڵاویکردەوە، لەسەر داوای ترەمپ هێرشەکانیان بۆ سەر ئێران ڕادەگرن.

وێنەگەورەکە: دۆناڵد ترەمپ، سەرۆکی ویلایەتە یەکگرتووەکانی ئەمەریکا پێش بەڕێکەوتنی بۆ بەشداریکردن لە لووتکەی ناتۆ لە لاهای، قسەی بۆ ڕۆژنامەنووسان کرد و ڕایگەیاند، زۆر نیگەرانە لەوەی ئیسرائیل و ئێران ئاگربەستیان پێشێل کردووە و دووبارە هێرشیان کردووەتە سەر یەکتر.

بڵاوکراوەی فەرمی: دوای لێدوانەکەی ترەمپ لە بارەی پێشێلکارییەکانی ئێران و ئیسرائیل سەبارەت بە ئاگربەست، نووسینگەی بنیامین نەتانیاهۆ، سەرۆکوەزیرانی ئیسرائیل بڵاویکردەوە: نەتانیاهۆ بڕیاریداوە هێرشەکانی ئیسرائیل بۆ سەر ئێران کەم بکاتەوە، ئەمەش دوای لێدوانەکەی ترەمپ کە گوتی لە ئیسرائیل و ئێران ناڕازییە.

لەلایەکی دیکەوە: ئەکسیۆس بە پشتبەستن بە بەرپرسانی ئەمریکا و ئیسرائیل ڕایگەیاند: ترەمپ بە توڕەییەوە لەگەڵ نەتانیاهۆ قسەی کردووە و پێی ڕاگەیاندووە پێویستە کارێک نەکات ئاگربەستەکە تێک بچێت. هاوکات، نەتانیاهۆ لە مەترسی و جددیەتی دۆخەکە تێگەیشتووە.