ژنانی بەریتانیا وەک هاوسۆزی بۆ ژنانی غەززە قژیان دەبڕن

ئاڤا نیوز

کۆمەڵێک لە ژنانی بەریتانیا لە بەردەم پەرلەمانی وڵاتەکەیان سەری خۆیان دەتاشن، وەک هاوسۆزی لەگەڵ ژنانی غەززە.

وێنە گەورەکە: کۆمەڵێک ژن لە بەریتانیا لە بەردەم پەرلەمان لە لەندەنی پایتەخت قژیان دەبڕن، وەک هاوسۆزی بۆ ئەو ژنانەی غەززە کە ناتوانن قژیان بشۆن، هەر بۆیە ناچار دەبن قژیان ببرن. 

ئەوەی پێویستە بیزانیت: لە ڤیدیۆ کلیپێکدا   11 خۆپشاندەری ژن لە بەردەم پەرلەمانی بەریتانیا دانیشتوون و قژیان دەبرن، ژنەکان دروشمی "هەموو کاتژمێرێک دوو دایک لە غەززە دەکوژرێن، "داوادەکەین دەستبەجێ کۆتای بەو هێرش و گەمارۆیانە بهێنرێت" بەرزکردبووەوە، ئەوەش لەكاتێكدایە نەتەوە یەکگرتووەکان ڕایگەیاندووە زیاتر لە 96%ی سەرچاوە ئاوییەکانی غەززە "ناشایستەیە بۆ بەکارهێنان".

باكگراوند: لەوكاتەوەی لە حەوتی ئۆكتۆبەری ساڵی ڕابردووەوە، شەڕی غەززە لەنێوان ئیسرائیل و حەماس دەستیپێكردووە، نزیكەی 32 هەزار كەس لە غەززە كوژراون و زۆرینەی شارەكەش تەختی زەوی بووە، بەشێكی زۆری قوربانییەكانیش ژن و منداڵن.