ژمارەیەکی دیکە لە یەکەمەکان و هەڵگرانی بڕوانامە باڵاکان دادەمەزرێن

ئاڤا نیوز

لەسەر ڕاسپاردەی سەرۆکوەزیرانی عێراق، ئەنجوومەنی ڕاژەی فیدراڵی، ژمارەیەکی دیکە لە یەکەمەکان و هەڵگرانی بڕوانامە باڵاکان دادەمەزرێنێت.

چیرۆکی سەرەکی: محەممەد شیاع سوودانی، سەرۆکوەزیرانی عیراق، لەگەڵ سەرۆک و ئەندامانی ئەنجوومەنی ڕاژەی فیدراڵی کۆبووەوە، لەکۆبوونەوەکەدا ڕێکاری نوێی دامەزراندن و شێوازی دابەشکردنیان بەپێی پێویست بەسەر وەزارەتەکان تاوتوێ کرا.

ڕاگەیێنراوی فەرمی: نووسینگەی سەرۆکوەزیرانی عێراق لەبڵاوکراوەیەکدا ڕایگەیاند: سوودانی داوایەکی ئاراستەی وەزارەتی خوێندنی باڵا و لایەنی پەیوەندیدار کردووە کۆدی سێ یەکەمی زانکۆکان و هەڵگرانی بڕوانامە باڵاکان بکەنەوە وەک ئامادەکارییەک بۆ دامەزراندنیان.

زانیاری بەدەستهاتوو: بەپێی ئەو زانیارییانەی دەست ئاڤا کەوتووە، بۆ جاری سێیەم چارەنووسی سێ یەکەمەکانی زانکۆ و پەیمانگاکان و هەڵگرانی بڕوانامەی خوێندنی باڵا لە هەرێمی کوردستان نادیارە و ئەگەر ڕێککەوتنی پێشوەختە نەکرێت وەکو هەموو جارێک بێبەش دەکرێن لەدامەزراندن.