هەفتەی داهاتوو گەنمی جووتیارانی گوێڕ و دیبەگە وەردەگیرێت

ئاڤا نیوز

 

بڕیارە سەرەتای هەفتەی داهاتوو گەنمی جووتیارانی سنووری هەردوو ناحیەی دیبەگە و گوێڕ لە سایلۆی هەولێر وەربگیرێت و ئامادەکاریش بۆ ئەم پرۆسەیە دەستی پێکردووە.

 

چیرۆکی سەرەکی: ئەمساڵ 27 هەزار تۆن گەنم لە جووتیارانی سنووری گوێڕ و دیبەگە وەردەگیرێت، ئەم گەنمە لەسەر پلانی قەزای مەخموورە، بەڵام لە سایلۆی هەولێرەوە وەردەگیرێت.

 

لێدوانی فەرمی: هێمن سەید موراد، بەڕێوەبەری گشتیی کشتوکاڵی هەولێر بە ئاڤا میدیای گوت: سەرەتای هەفتەی داهاتوو گەنمی جووتیارانی گوێڕ و دیبەگە لە سایلۆی هەولێر بەبازاڕ دەکرێت، بەپێی نرخی دانراو کە لە پلانی کشتوکاڵی نووسراون، 800 هەزار دینار بۆ گەنمی دێمی و 850 هەزار دینار بۆ گەنمی بەراو دیار بۆ هەر تۆنێک کراوە.