ئەمریکا هۆشداری دەداتە ئیسرائیل

ئاڤا نیوز

بەرپرسانی ئەمریکا هۆشدارییان داوەتە ئیسرائیل بەوەی هێرشکردنە سەر شاری ڕەفەح لە کەرتی غەززەی فەڵەستین، دەبێتە هۆی پەراوێزخستنی ئەو وڵاتە لە سەر ئاستی جیهان. 

لێدوانی فەرمی: ئەنتۆنی بلینکن، وەزیری دەرەوەی ئەمریکا بە بنیامین نەتانیاهۆ سەرۆکوەزیرانی ئیسرائیلی ڕاگەیاندووە: "ئێمە لەگەڵ ئیسرائیل هەمان ئامانجی لەناوبردنی حەماسمان هەیە؛ بەڵام لەگەڵ ئەوەشدا ئۆپەراسیۆنێکی فراوانی سەربازی لە سەر زەوی لە ڕەفەح ئەو رێگایە نیە کە ئێمە دەیگرینەبەر."

زانیاریی زیاتر: بلینکن بە نەتانیاهۆی گوتووە هێرشی سەر ڕەفەح دەبێتە هۆی کوژرانی ژمارەیەکی زیاتر لە کەسانی سڤیل، قووڵبوونەوەی زیاتری قەیرانی مرۆیی لە غەززە، گۆشەگیربوونی زیاتری ئیسرائیل و درووستبوونی مەترسی و هەڕەشەی زیاتر لە سەر ئاسایشی دوورمەودای ئیسرائیل.

باکگراوند: هێرشی ئیسرائیل بۆ سەر غەززە کوژرانی نزیکەی 32 هەزار کەسی لێکەوتووەتەوە؛ کۆمەڵگەی نێودەوڵەتی هۆشداریی دەدات لەوەی هێرش بۆ سەر ڕەفەح ئەم ژمارەیە زیاتر دەکات.