سەدر داوای هەڵوەشاندنەوەی میلیشیا و ڕادەستکردنی چەکەکانیان دەکات

ئاڤا نیوز

 

لە کاتێکدا خۆی خاوەنی یەکێکە لە گەورەترین میلیشیا چەکدارەکانی عێراق، بەڵام ئێستا موقتەدا سەدر خۆی داوای هەڵوەشاندنەوەی میلیشیاکان و کۆکردنەوەی چەک لە دەستی دەوڵەت دەکات.

 

بڵاوکراوەی فەرمی: موقتەدا سەدر، ڕێبەری ڕەوتی نیشتمانیی شیعە، لە پەیامێکدا لەڕێگەی هەژماری فەرمیی خۆی لە پلاتفۆرمی ئێکس، نووسیویەتی: ئاساییش و سەقامگیری پەیوەستە بە کۆنتڕۆڵکردنی چەکی بەربڵاو و سنووردارکردنی لە دەستی دەوڵەتدا.

 

سەدر داوای هەڵوەشاندنەوەی میلیشیا چەکدارەکان، بەهێزکردنی سوپا و پۆلیس، سەربەخۆیی عێراق و پاشکۆ نەبوونی  و هەوڵی جددی بۆ چاکسازی و لێپرسینەوە لە گەندەڵکاران دەکات.

 

ئەمەش بزانە:  موقتەدا سەدر لە ساڵی 2004ـەوە میلیشیای سوپای مەهدی دامەزراندووە و بەشێک لەوان بۆ پاراستنی مەزارگەی هەردوو ئیمامی عەسکەری لە قەزای سامەڕا جێگیر کراون .