كارگه‌ی هەریر ڕۆژانە 25 تۆن دۆشاوی تەماتە بەرهەم دەهێنێت و هەناردەی ئەمریکای دەکات

ئاڤا نیوز

دوای بەکارخستنەوەی کارگەی دۆشاوی تەماتە، ڕۆژانە 100 تۆن تەماتە لە جووتیاران وەردەگرێت و بەرهەمی رۆژانەی 25 تۆن ئاوی تەماتەیە، بەڕێوەبەری کارگەکەش دەڵێت، ئەوە نەما جووتیاران بەرهەمی ماندووبوونیان لەسەر شەقام فڕێ بدەن.

چیرۆکی سەرەکی: کارگەی دۆشاوی تەماتەی هەریر لە سالی 2021ـەوە بە بڕیاری سەرۆکوەزیران مەسرور بارزانی دەستی بەکارەکانی کردۆتەوە، لەو کاتەوە ساڵانە لەگەڵ پێگەیشتی بەرهەمی تەماتە، هەلیکاری بۆ زیاتر لە 60 کەس ڕەخساندووە، بەرهەمی دۆشاوی تەماتەی هەناردەی ووڵاتە عەرەبییەکان و دوو جاریش هەناردەی ووڵاتی ئەمریکا کردووە.

لێدوانی فەرمی: شوان حەمید، بەرێوەبەری کارگەی دۆشاوی تەماتەی هەریر بە ئاڤای وت، "ئێمە سلفە دەدەینە جووتیاران بۆ چاندنی تەماتە و هەر لە کارگەکەش لێیان دەکڕینەوە، ئەوە نەما بەرهەمی ساڵانەیان لەسەر شەقام فڕێ بدەن، لەم ساڵەوە بەرهەمی پەتاتەش وەردەگرین لەگەڵ میوە بۆ دروستکردنی شەربەت".