نوێنەری سوودانی لەبارەی کێشەی پردێ و کەرکووک بۆ ئاڤا قسە دەکات

ئاڤا نیوز

محەممەد شیاع سوودانی، نوێنەری تایبەتی خۆی دەنێرێتە کەرکووک و لەگەڵ ڕێبوار تەها، پارێزگاری کەرکووک و نوێنەری لایەنەکان سیاسییەکان لە پردێ کۆبووەتەوە، بەمەبەستی ئامادەکردنی ڕاپۆرتێکی ورد لەبارەی کێشە و ئاڵۆزییەکانی ئەم دواییە. 

وێنە گەورەكە: ماوەی چەند ڕۆژێكە لایەنگرانی بەرەی توركمانی بە بیانووی پەراوێزخستنیان لە پرۆسەی حكومڕانی و سیاسیی پارێزگای كەركووك، خۆپیشاندانی ناڕەزایی ڕێكدەخەن، ئەوەش لەكاتێكدا پێشتر بەرەی توركمانی ڕەتی كردەوە بەشداری پڕۆسەی حكومڕانیی خۆجێیی پارێزگای كەركووك بكات، ئێستا سەرۆکوەزیرانی عێراق دەیەوێت لێکۆڵینەوە لەوبارەیەوە بکات. 

زانیاریی زیاتر: سەرۆکوەزیرانی عێراق، ئەحمەد فەتلاوی، نوێنەری تایبەتی خۆی ناردووەتە کەرکووک و کۆبوونەوەی لەگەڵ پارێزگاری کەرکووک و لایەنەکانە سیاسییەکان کردووە. 

لێدوانی فەرمی: ئەحمەد فەتلاوی لە لێدوانێکدا بە ئاڤای ڕاگەیاند: دوای کۆبوونەوە و لێکۆڵینەوە لە دۆخەکە ڕاپۆرتێکی ورد ئامادە دەکەین و ڕادەستی سوودانی دەکەین. 

لەلایەکی دیکەوە: ئەحمەد ڕەمزی، ئەندامی ئەنجوومەنی پارێزگای کەرکوک لە بەرەی تورکمانی بە ئاڤای ڕاگەیاند، بڕیارە لە ماوەی 10ڕۆژ دا کێشەی پۆستە ئیداری و ئەمنییەکان چارەسەر بکرێت. 

ئەمەش بزانە: هەر ئەمڕۆ ئەو لیژنەی بۆ هاوسەنگی پۆستەکان پێکهێنرابوو و دوای گرژی و ئالۆزییەکەی پردێ، یەکەم کۆبوونەوەی خۆی ئەنجامدا، بڕیاریشە هەر لەم هەفتەیەدا بەشێوەیەکی مەیدانی سەردانی قەزا و نەحیەکان بکەن و سەرەتاش دەچنە پردێ. 

ئەوەی پێویستە بیزانیت: لە دوایین هەڵبژاردنی ئەنجوومەنی پارێزگاکان، ژمارەی دەنگەکانی تورکمان دوو هەزار بوو و ئێستا 12 پۆستی ئیدارییان پێدراوە، کوردیش کە خاوەنی هەشت هەزار دەنگی هێناوە تەنها پێنج پۆستی وەرگرتووە. 

پۆستەکانی ئیدارەی دەوڵەت لە ناحیەی پردێ بەمشێوەیەیە: 

یەکەم - بەرەی تورکمانی 

1 بنکەی نەهێشتنی تاوان.
2 فەرمانگەی کشتوکاڵ ،
3 فەرمانگەی ئاو.
4 فەرمانگەی ئاوەرۆ.
5 فەرمانگەی بانک.
6 دادگای پردێ
7 تۆماری خانووبەرە
8 دابەشکردنی کارەبا.
9 وەقفی سوونی.
10 فەرمانگەی ڤیرتەرنەری.
11 دادنووسی.
12 فەرمانگەی پۆلیسی نەهری.

دووەم - پۆستەکانی کورد لە پردێ

1 بەڕێوەبەری ناحییە
2 فەرمانگەی شارەوانی
3 بنکەی پۆلیس
4 فەرمانگەی کشتوکاڵ
5 فەرمانگەی تاپۆ