داوای زیادکردنی ماوەی بەبازاڕکردنی گەنمی جووتیاران دەکرێت

ئاڤا نیوز

بەڕێوەبەرایەتیی بازرگانی دانەوێڵەی هەولێر داوای زیادکردنی ماوەی بەبازاڕکردنی گەنمی جووتیاران دەکات.

وێنە گەورەکە: بۆ ئەمساڵ 400 هەزار تۆن گەنم لە جووتیارانی هەرێمی کوردستان وەردەگیرێت، لەو بڕە 122 هەزار و 600 تۆن بۆ جووتیارانی پارێزگای هەولێر دیاری کراوە کە لە ماوەی 45 ڕۆژ لێیان وەردەگیرێت.

لێدوانی فەرمی: میران بەختیار، بەڕێوەبەری بازرگانی دانەوێڵەی هەولێر، بە ئاڤا میدیای ڕاگەیاند: ڕۆژی 2025-07-11، داوایەک ئاراستەی وەزارەتی بازرگانی عێراق دەکەین، بۆ ئەوەی ماوەی وەرگرتنی گەنم بکات بە 50 ڕۆژ، چونکە ئەگەر لە 2025-07-15 وادەی وەرگرتنی گەنم کۆتایی بێت، ئەوا ناتوانین ئەو گەنمەی دیاریکراوە هەمووی وەربگرین.

122 هەزار تۆن گەنم بۆ سنووری هەولێر دیاریکراوە وەربگیرێت، هەروەها بە بڕیاری بەغدا دەبێت ئێمە 27 هەزار تۆن گەنمی دیبەگە و گوێریش وەربگرین.

زانیاریی زیاتر: تاوەکو ڕۆژی 2025-07-09، لە بەڕێوەبەرایەتیی بازرگانی دانەوێڵەی هەولێر توانراوە نزیکەی 99 هەزار تۆن گەنمی سنووری هەولێر وەرگیراوە، هاوکات چوار هەزار تۆن گەنمی سنووری دیبەگە و گوێریش وەرگیراوە.