بەنداوەکانی کوردستان مەترسییان لەسەر نییە

ئاڤا نیوز

 

بەڕێوەبەری گشتی بەنداوەکانی هەرێمی کوردستان، لەلێدوانێکدا بۆ ئاڤا نیوز باس لە دۆخی بەنداوەکان دەکات و دەڵێت؛ هیچ بەنداوێک لە کوردستان مەترسی لەسەر نییە. 

 

چیرۆکی سەرەکی: هەفتەی ڕابردوو شەپۆلێکی بارانبارین هەرێمی کوردستانی گرتەوە، لە بەشێک لە ناوچەکانی کوردستان لافاو درووست بوو، هاوکات دەنگۆی ئەوە بڵاوکرایەوە چەند بەنداوێک مەترسییان لەسەرە.

 

لێدوانی فەرمی: ڕەحمان خانی، بەڕێوەبەری گشتی بەنداوەکانی هەرێمی کوردستان بەئاڤا نیوزی گووت: تەواوی بەنداوەکانی هەرێمی کوردستان سەلامەتن و پێنج ملیار مەتر سێجا ئاوی پێویستیان گلداوەتەوەو هیچ مەترسییەکیان لەسەرنییە.

 

زانیاریی زیاتر: سەبارەت بەوەی بەنداوی "خنس" لە شاری دهۆک مەترسی ڕووخانی لەسەرە، بەڕێوەبەری گشتی بەنداوەکانی هەرێم دەڵێت: هیچ مەترسییەک لەسەر بەنداوەکە نییە، چونکە بەشێوەیەک درووستکراوە بەرگەی لافاوی توند بگریت.