ئیسرائیل زیاتر دەستبەسەر خاکی فەلەستیندا دەگرێت

ئاڤا نیوز

 

ئیسرائیل دەستبەسەرداگرتنی دوو هەزار دۆنم زەوی لە کەرتی ڕۆژئاوای فەلەستین ڕاگەیاند و بە زەوی دەوڵەت ناوی برد؛ ئەمە دەبێتە گەورەترین دەستبەسەرداگرتنی خاکی فەلەستین لە ماوەی چەند دەیەی ڕابردوودا.

 

وێنە گەورەکە: بە گوێرەی بڕیاری ئەنجوومەنی ئاسایشی نەتەوە یەکگرتووەکان فراوانکردنی کۆمەڵگەکانی نیشتەجێکردنی جوولەکە لەسەر خاکی فەلەستین داگیرکاری و پێشێلکردنی یاسای نێودەوڵەتییە؛ بەڵام سەرەڕای ناڕەزاییە نێودەوڵەتییەکان، ئیسرائیل لەسەر دەستبەسەرداگرتنی زیاتری خاکی فەلەستین بۆ دروستکردنی کۆمەڵگەی نیشتەجێکردنی زیاتر بەردەوامە.

 

لەلایەکی دیکەوە: سەرەتاکانی ئەم مانگە، بنیامین نەتیانیاهو، سەرۆکوەزیرانی ئیسرائیل ڕێگەی بە دروستکردنی 3400 یەکەی دیکەی نیشتەجێبوون دا بۆ جووەکان؛ ئەمەش ناڕەزایی زۆری نەتەوە یەکگرتووەکان و دەستەڵاتدارێتیی فەلەستینی لێکەوتەوە.