بوومەلەرزەیەکی بەهێز کەناراوەکانی ئەلاسکای لە ئەمریکا هەژاند

ئاڤا نیوز

بوومەلەرزەیەک بە گوڕی 7.3 پلەی ڕیختەر کەناراوەکانی ئەلاسکای ئەمریکای هەژاند و زەنگی ڕوودانی تسۆنامی لێدرا.

چیرۆکی سەرەکی: بوومەلەرزەیەک لە کەناراوەکانی ئەلاسکای ئەمریکا بە گوڕی 7.3 پلەی ڕیختەر ڕوویدا و دەسەڵاتدارانی ناوچەکە زەنگی ئاگادار کردنەوەی درووستبوونی تسۆنامیان لێداوە.

ڕاگەیێنراوی فەرمی: دەستەی ڕووپێوی و جیۆلۆجی ئەمریکا ڕایگەیاند، بوومەلەرزەکە گوڕەکەی زۆر بووە و بە دووری 87 کیلۆمەتر لە باشووری ساندبوینت و بە قوڵایی نزیکەی 20.1 کیلۆمەتر ڕوویداوە، هۆشداریش لە ڕوودانی تسونامی لە باشووری و دوورگەی ئەلاسکا دراوە.

زانیاریی زیاتر: دەسەڵاتدارانی ئەلاسکا داوا لە هاووڵاتییان دەکەن بچنە شوێنی پارێزرا و لە کاناراوەکان دوور بکەونەوە.

ئەمەش بزانە: ئەلاسکا کەوتووەتە سەر پشتێنەی چالاکی بومەلەرزە لە زەریای هێمن.