فەرەنسا ئۆپەراسۆنێکی فراوان دژی ماددە هۆشبەرەكان دەستپێدەکات

ئاڤا نیوز

 

بۆ ڕووبەڕووبوونەوەی بازرگانیکردن بە ماددە هۆشبەرەكان حكومەتی فەرەنسا ئۆپەراسیۆنێکی فراوانی دەستپێدەکات و چەندین شاری گەورە دەگرێتەوە.

 

وێنە گەورەكە: ماددە هۆشبەرەكان لە ئەوروپا مەترسی گەورەی لەسەر ملیۆنان كەس دروستكردووە، لە ماوەی ڕابردووشدا لە فەرەنسا دەیان بازارگانی ماددەی هۆشبەر دەستگیركراون.

 

لێدوانی فەرمی: جیراڵد دارمانین، وەزیری ناوخۆی فەرەنسا ڕایگەیاند: ئەمڕۆ دووشەممە چەند هەڵمەتێکی گەورە دژی ماددە هۆشبەرەکان لە ژێرناوی (ئۆپەراسیۆنی پاککردنەوە) لە سەرانسەری وڵات دەستیپێکردووە.

 

لەلایەکی دیکەوە: ئیمانوێل ماکرۆن، سەرۆکی فەرەنسا، هەفتەی ڕابردوو ئۆپەراسیۆنێکی گەورەی دژی بازرگانانی ماددەی هۆشبەر لە مارسیلیا و شارەکانی دیکەی فەرەنسا ڕاگەیاند. ماكرۆن دەڵێت لە مارسیلیا بازرگانان ژیانی دانیشتووانی ناوچەکەیان هەراسان كردووە.

باکگراوند: ساڵی ڕابردوو لە مارسیلیا شەڕ و پێكدادان لە نێوان بارزگانانی ماددەی هۆشبەر و پۆلیسدا ڕووی دا، بەهۆیەوە دەیان كەس كوژران و بریندار بوون.