کۆشکی سپی: لە سەرەتای دەستبەکاربوونی ترەمپ زیاتر لە  100 هەزار کۆچبەری نایاسایی دەستگیرکراون

ئاڤا نیوز

کۆشکی سپی  دەڵێت،  لە سەرەتای دەستبەکاربوونی دۆناڵد ترەمپەوە  100 هەزار کۆچبەری نایاسایی لە ئەمریکا دەستگیرکراون.

چیڕۆکی سەرەکی: لە سەرەتای دەستبەکاربوونی دۆناڵد ترەمپ، وەک سەرۆکی ئەمریکا لە مانگی یەکی ئەمساڵ پێداچوونەوەی بۆ سیاسەتی ئەمریکا بەرامبەر بە کۆچبەرە نایاساییەکانی وڵاتەکەی کردووە  و بۆ ئەم مەبەستەش هەزاران کۆچبەری دیپۆرتی وڵاتەکانیان کردوونەتەوە و هەزارانی دیکەشی دەستگیرکردوون.

بڵاوکراوەی فەرمی: کۆشکی سپی لە بڵاوکراوەیەکدا ڕایگەیاند: لە ماوەی شەش مانگی دەستبەکاربوونی دۆناڵد ترەمپ، زیاتر لە 100 هەزار کۆچبەری نایاسایی لە ئەمریکا دەستگیرکراون، ئەمەش وایکردووە ژمارەی کۆچبەرانی نایاسایی کەمبکرێتەوە.

قووڵتر: کۆشکی سپی ئاماژەی بەوەشکرد، دادگای باڵا پشتگیری لە کارنامەی ترەمپ دەکات بۆ ناردنی کۆچبەران بۆ وڵاتی سێیەم و پاراستنی کاتی بۆ زیاتر لە 500 هەزار کۆچبەر هەڵبوەشێنێتەوە.