نەتەنیاهۆ لە ئەمریکا تووڕەیە

ئاڤا نیوز

 

بەهۆی ئەوەی ئەمجارە ئەمریکا  لە ئەنجوومەنی ئاسایش هەڵوێستی لەسەر ئاگربەستی غەززە نەبوو، نەتەنیاهۆ تووڕە بووە و سەردانیکردنی شاندەکەی بۆ واشنتن هەڵوەشاندەوە.

 

ئەوەی پێویستە بیزانیت: بڕیاڕبوو لەسەر داوای جۆ بایدن، سەرۆکی ئەمریکا شاندێکی باڵای سەربازیی ئیسرائیل سەردانی واشنتن بکات بۆ تاوتوێکردنی ئۆپەراسیۆنی پلان بۆ داڕێژراوی ئیسرائیل لە ڕەفەح، بەڵام بەهۆی هەڵوێستی ئەمڕۆی ئەمریکا ئەو بریارە هەڵوەشێنرایەوە.

 

ڕاگەیێنراوی فەرمی: نووسینگەی ئەنجوومەنی وەزیرانی ئیسرائیل ڕایگەیاند: "بەکارنەهێنانی ڤیتۆی واشنتۆن بۆ پووچەڵکردنەوەی بڕیارنامەیەک کە لەلایەن ئەنجوومەنی ئاسایشەوە پەسەندکرابوو کە داوای ئاگربەستی خێرا لە کەرتی غەززە دەکات، زیان بە هەوڵەکانی جەنگ و هەوڵەکانی ئازادکردنی بارمتەکان دەگەیێنێت".

 

زانیاریی زیاتر: ئەمریکا لەو بڕیارەی نەتەنیاهۆ نیگەرانە و ڕایگەیاند: "جێگەی سەرسووڕمانە کە ئیسرائیل ئەو بڕیارەی داوە".

 

لەلایەکی دیکەوە: بزووتنەوەی حەماس پێشوازی لە بڕیارەکەی ئەنجوومەنی ئاسایش بۆ ئاگربەستی غەززە کردووە و ئامادەیی خۆشی بۆ پڕۆسەی ئاڵوگۆڕکردنی بارمتەکان ڕاگەیاند.